خطوات التشطيب

مراحل التشطيب هي سلسلة متصلة من الخطوات و كل خطوة بتكمل اللي بعدها يعني لو خطوة منهم لو لاقدر الله متنفذتش مظبوط الخطوة اللي بعدها بتتأثر
و دي بشكل تفصيلي خطوات التشطيب 👇

1- الرسم 3D max


ظهرت فكره الرسم الشقة ببساطة عشان تسهل علي مالك العقار و المهندس القائم علي التشطيب تخيل الشقة و تقسيمها بشكل صحيح و متوافق لرأي و ذوق العميل و يشمل الرسم حتي الوان الدهانات و الإضاءة بتوصلك انك تشوف شقتك بعد التشطيب بشكل مفصل و الرسم بيكون زي عقد ضمني بين العميل و شركة التشطيب بيلتزم بيه الطرفين.

2- تعديل الحوائط

دي تاني مرحلة في التشطيب و بتشمل اي تعديل في الحوائط سواء في الهد الكامل لها و دمج غرفتين مثلا او هد نص الحائط في حاله المطبخ المفتوح و اي تعديل اخر .

3- عزل الحمام


من اهم مراحل التأسيس و التشطيب و الإهمال فيها يؤدي لكارثة ، بيشمل عزل الحوائط و الأرضيات بمادة عازلة لتجنب حدوث أي تسرب للمياه .
بتشمل عدة أنواع منها ( الخيش المقطرن – الانسومات – الروبة الأسمنتية …)
و بيتم اختبار عزل الحمام بتغطية بالمياه لمده 48 ساعه.

4- السباكة

بتتم علي 5 خطوات و هم 👇
1- تهيئة شبكة التغذية
2- توصيل مواسير التغذية من مصدر المياه الرئيسي و يتم تثبيتها في قلب محابس الدفن .
3- الخطوات التكميلية مثل وضع البلاغات .
4- تثبيت مخارج الحمام .
5- توصيل شبكة صرف مياه التكييف بمخارج الصرف المخصصة لها .

5- الكهرباء

الإضاءة و الكهرباء أساس مهم في التشطيب و الديكور و بتتم مرحلة الكهرباء علي خطوتين أساسيتين و هم 👇
– التأسيس : يتم تثبيت علب الكهرباء و البومات و علب التجميع .
– مرحلة التشطيبات : و يتم فيها تفنيش الكهرباء و بتشمل سحب الاسلاك الكهربائيه الموجودة بالجدران و تثبيت البرايز في الأماكن المخطط لها مسبقا في الشقة و افضل ارتفاع لها يكون 30/40 سم .

6- توصيلات التكييف المدفونة


المرحلة دي اهميتها بتكمن في أنها بتحافظ علي التأسيس و التشطيب و الديكور فيما بعد
لأن توصيلات التكييف لما بتكون مدفونة بتحافظ علي الشكل النهائي و تضمن وجودها حتي لو هتقوم بشراء و تركيب التكييف في وقت لاحق .

7- ترميم الفتحات الناتجة عن أعمال التشطيب

و يتم فيها ردم و ترميم جميع الفتحات الغير مرغوب بيها و ترك الحوائط علي نفس المستوي .

8- تأسيس الأسقف المعلقة

تأسيس السقف الساقط أو المعلق بيكون ليه عده مميزات منها أنه بيخفي اي عيوب في السقف الخرساني و بيكون شكل بيت النور افضل إذا كنت ترغب في تأسيسه .

9-تركيب الأبواب

ابواب خشب للغرف يفضل استخدام أبواب المانيه HDF ، و باب مصفح لباب الشقة الرئيسي .

10- الشبابيك و البلكونات

يفضل استخدام الألومنتال ال  pvc .

11- تركيب الأرضيات


و في هذه المرحلة يتم تركيب الأرض حسب المخطط له ( سيراميك – بورسلين – رخام – باركية …) .

12- دهانات الحوائط و ابواب الغرف


يجب اختيار الألوان وفقا للمساحه اذا كانت المساحة ضيقة يجب التركيز علي الألوان الفاتحة و المحايدة توحيد لون الشقة إذا امكن و كذلك مراعاه استايل الشقة إذا كان مودرن بيسمح باستخدام الوان صريحة مثل الأصفر المستردة بينما لو كان استايل المكان كلاسيك هيراعي استخدام الألوان الهادئة مثل اوف وايت فانيليا او الكريمي .

13- تفنيش اعمال السباكة و الكهرباء


و بيتم فيها تركيب وشوش الكهرباء و تركيب السخان و تفنيش السباكة .

اترك تعليقاً

لن يتم نشر عنوان بريدك الإلكتروني.

انتقل إلى أعلى